A tódolos montañeiros:
Desde o Club Peña Trevinca Barco querémosvos convidar a que participedes no XLIV CAMPAMENTO E MARCHA GALEGA DE MONTAÑA, unha actividade da F.G.M. programada para os días 25 e 26 de abril que o noso Club ten o pracer de organizar, coa intención de non defraudar a confianza en nós depositada, e ofrecervos a tódolos participantes unha boa organización, para que a actividade alcance o clima deportivo e de relación de camaradería que é habitual nestes encontros, e que sirva para estreitar amizades e estender o noso respecto pola natureza.
A zona elexida é Fonte da Cova no Macizo de Trevinca, concello de Carballeda de Valdeorras (Ourense) onde está o Refugio de montaña do mesmo nome, lugar no que conmemoramos que hai 65 anos os nosos predecesores decidiron formar un club de montañismo, e por esta razón estamos traballando para conseguir que eses dous días gocedes desta actividade.
